Honorary Consul H.E. Nicolas Hermel
Translation of the Constitution of the Republic of Uzupis into Kalaallisut
(Užupis humanistic and philosophical manifestos)
In Greenlandic by Juaaka Lyberth:
1. Kuussuup Vilniap sinaani kikkulluunniit najugaqarsinnaatitaapput,
kuussuarlu Vilnia kikkulluunniit saneqqullugit kuussinnaatitavoq.
2. Kissartumik imeqarnissamut, ukiukkut kiassarneqarnissamut,
kusertanngitsumillu qaliaqarnissamut kikkulluunniit
pisinnaatitaaffeqarput.
3. Kikkuulluunniit toqusinnaatitaapput, kisianni
tamanna pisussaaffiunngilaq.
4. Kukkuluttornissamut kikkulluunniit pisinnaatitaaffeqarput.
5. Inuttut namminiulluinnarnissaminnut kikkulluunniit
pisinnaatitaaffeqarput.
6. Asaneqarnissamut kikkulluunniit
pisinnaatitaaffeqarput.
7. Asaneqannginnissamut kikkulluunniit pisinnaatitaaffeqarput,
tamannali piumasaqaataanngilaq.
8. Nuimasuunissamut tusaamasaanissamullu kikkulluunniit
pisinnaatitaaffeqarput.
9. Qasuersaarnissamut kikkulluunniit pisinnaatitaaffeqarput.
10. Qitsummik asasaqarnissamut isumaginninnissamullu
kikkulluunniit pisinnaatitaaffeqarput.
11. Qimmip nakkutiginissaanut kikkulluunniit pisinnaatitaaffeqarput,
arlaata toqunissaata tungaanut.
12. Qimmeq qimmiunissaminut pisinnaatitaaffeqarpoq.
13. Qitsuup piginnitsini asasariaqanngilaa,
ullunili ajornartorsiorfiusuni ikiuuttariaqartartussaavoq.
14. Ilaanneeriarluni pisussaaffimminnik
ilisimasaqannginnissamut kikkulluunniit pisinnaatitaaffeqarput.
15. Kikkulluunniit qularnissamut
pisinnaatitaaffeqarput, tamannali pisussaaffiunngilaq.
16. Pilluartuunissamut kikkulluunniit pisinnaatitaaffeqarput.
17. Aliasunnissamut kikkuulluunniit pisinnaatitaaffeqarput.
18. Nipaatsuunissamut kikkulluunniit pisinnaatitaaffeqarput.
19. Upperisaqarnissamut kikkulluunniit pisinnaatitaaffeqarput.
20. Nakuusernissamut kinaluunniit pisinnaatitaaffeqanngilaq.
21. Kikkuulluunniit suunngissutsiminnik
aamma nuimasorsuussutsimminnik
nassuerutiginninnissaminnut pisinnaatitaaffeqarput.
22. Naassaanngitsumut akuliunnissaminnut kikkulluunniit
pisinnaatitaaffeqarput.
23. Paasinninnissaminnut kikkulluunniit pisinnaatitaaffeqarput.
24. Paatsuinissaminnut kikkulluunniit pisinnaatitaaffeqarput.
25. Kikkulluunniit assigiinngitsunik inuiaassuseqarnissaminnut
pisinnaatitaaffeqarput.
26. Inuuissiornermik nalliussinissaanut,
nalliussinnginnissaanulluunniit, kikkulluunniit pisinnaatitaaffeqarput.
27. Kikkulluunniit atertik nalussanngilaat.
28. Kikkuulluunniit pigisaminnik allanut agguaasinnaapput.
29. Kinaluunniit piginngisaminik allanut agguaasinnaanngilaq.
30. Nukappiaqqanik niviarsiaqqanillu qatannguteqarnissamut,
angajoqqaaqarnissaminnullu, kikkulluunniit pisinnaatitaaffeqarput.
31. Kikkulluunniit nammineersinnaapput.
32. Kikkulluunniit kiffaanngissuseqarnertik nammineq akisussaaffigaat.
33. Kikkulluunniit qianissaminnut pisinnaatitaaffeqarput.
34. Paatsoorneqarnissaminnut kikkulluunniit pisinnaatitaaffeqarput.
35. Inuup allap akisussaatinniarneranut kinaluunniit pisinnaatitaaffeqanngilaq.
36. Imminiulluinnarnissaminnut kikkulluunniit pisinnaatitaaffeqarput.
37. Pisinnaatitaaffeqannginnissamut kikkulluunniit pisinnaatitaaffeqarput.
38. Qununnginnissamut ersinnginnissamullu kikkuulluunniit
pisinnaatitaaffeqarput.
39. Qiimasuujuaannarit!
40. Tillunneqaruit akisiniaqinak!
41. Tunniutinngisaannarit!